ភ្នំពេញ៖ ពលរដ្ឋដែលមករស់នៅក្រុងភ្នំពេញ ពោលគឺបុគ្គលិក នឹងកម្មករកម្មការិនីរោងចក្រ ចាប់ផ្តើមចេញដំណើរជាបណ្តើរៗហើយ ដើម្បីទៅកាន់ស្រុកកំណើតរៀងៗខ្លួន ដើម្បីជួបជុំគ្រួសារ ញាតិសន្តាន និងមិត្តភ័ក្តិ នៅក្នុងឱកាសពិធីបុណ្យភ្ជុំបិណ្ឌ ខណៈកម្មករនិយោជិតមួយចំនួនផ្សេងទៀតបន្តធ្វើការងារ នៅបើគិតត្រឹមថ្ងៃទី១២ ខែតុលា ឆ្នាំ២០២៣នេះ។
ជារៀងរាល់ឆ្នាំឲ្យតែពិធីបុណ្យធំៗ ដូចជាបុណ្យចូលឆ្នាំប្រពៃជាតិខ្មែរបុណ្យភ្ជុំបិណ្ឌ និងពិធីបុណ្យអុំទូកជាដើម ប្រជាពលរដ្ឋចំណាកស្រុករស់នៅភ្នំពេញ ក៏ដូចជាកម្មករកម្មការនីជាច្រើនសិបនាក់តែងតែធ្វើដំណើរចេញ ដើម្បីជួបជុំក្រុមគ្រួសារ និងសាច់ញាតិនៅស្រុកកំណើតរៀងៗខ្លួន។
គួរបញ្ជាក់ផងដែរថា បុណ្យភ្ជុំបិណ្ឌ ជាពិធីបុណ្យមួយ ក្នុងចំណោមពិធីបុណ្យធំៗដទៃទៀតនៃ ព្រះរាជពិធីទា្វរទសមាស ប្រជារាស្រ្តទូទាំងព្រះរាជាណាចក្រកម្ពុជាតាំងពីបុរាណរៀងមក (ពុំដឹងពីពេលណាច្បាស់លាស់) តែងតែមាន ប្រារព្ធពិធីនេះមិនដែលអាក់ខានឡើយ គឺចាប់ពីថៃ្ង ១រោច ខែភទ្របទ រហូតដល់ថៃ្ងទី ១៥រោច មានរយៈពេល ១៥ថៃ្ង ដែលយើងហៅថាបិណ្ឌ1, បិណ្ឌ2 … និងថៃ្ងបញ្ចប់ គឺជា ថៃ្ង “ភ្ជុំបិណ្ឌ”៕
